2016 jylǵy 22 qańtar, Astana qalasy
Qazaqstan Respýblıkasynyń Qorǵanys mınıstrligine vedomstvolyq baǵynysty áskerı oqý oryndarynda bilim alýshylardyń úlgerimine aǵymdaǵy baqylaý, olarǵa aralyq jáne qorytyndy attestattaý júrgizý qaǵıdalaryn bekitý týraly
«Bilim týraly» 2007 jylǵy 27 shildedegi Qazaqstan Respýblıkasynyń Zańy 5-1-babynyń 5) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynyń Qorǵanys mınıstrligine vedomstvolyq baǵynysty áskerı oqý oryndarynda bilim alýshylardyń úlgerimine aǵymdaǵy baqylaý, olarǵa aralyq jáne qorytyndy attestattaý júrgizý qaǵıdalary bekitilsin.
2. Qazaqstan Respýblıkasy Qorǵanys mınıstrligi Bilim jáne ǵylym departamentiniń bastyǵy: 1) osy buıryqty zańnamada belgilengen tártippen memlekettik tirkeý úshin Qazaqstan Respýblıkasynyń Ádilet mınıstrligine joldasyn; 2) osy buıryqtyń kóshirmesin memlekettik tirkelgennen keıin kúntizbelik on kún ishinde resmı jarııalaý úshin merzimdi baspasóz basylymdaryna jáne «Ádilet» aqparattyq-quqyqtyq júıesine joldasyn;
3) osy buıryqty resmı jarııalanǵannan keıin Qazaqstan Respýblıkasy Qorǵanys mınıstrliginiń resmı ınternet-resýrsyna ornalastyrsyn.
3. Osy buıryqtyń oryndalýyn baqylaý Qazaqstan Respýblıkasy Qorǵanys mınıstriniń orynbasary general-maıor T.S. Muhtarovqa júktelsin.
4. Buıryq laýazymdy adamdarǵa, olarǵa qatysty bóliginde jetkizilsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Qorǵanys mınıstri I. TASMAǴAMBETOV
Qazaqstan Respýblıkasy Qorǵanys mınıstriniń 2016 jylǵy 22 qańtardaǵy №32 buıryǵymen bekitilgen
Qazaqstan Respýblıkasynyń Qorǵanys mınıstrligine vedomstvolyq baǵynysty
áskerı oqý oryndarynda bilim alýshylardyń úlgerimine aǵymdaǵy baqylaý, olarǵa aralyq jáne qorytyndy attestattaý júrgizý qaǵıdalary
1. Negizgi erejeler
1. Osy Qazaqstan Respýblıkasynyń Qorǵanys mınıstrligine vedomstvolyq baǵynysty joǵary áskerı oqý oryndarynda bilim alýshylardyń úlgerimine aǵymdaǵy baqylaý, olarǵa aralyq jáne qorytyndy attestattaý júrgizý qaǵıdalary (budan ári – Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasynyń Zańyna sáıkes ázirlendi jáne Qazaqstan Respýblıkasynyń Qorǵanys mınıstrligine (budan ári – QR QM) vedomstvolyq baǵynysty áskerı oqý oryndarynda bilim alýshylardyń úlgerimine aǵymdaǵy baqylaý, olarǵa aralyq jáne qorytyndy attestattaý júrgizý tártibin aıqyndaıdy.
2. Osy Qaǵıdalarda mynadaı uǵymdar paıdalanylǵan:
1) aralyq attestattaý (emtıhan sessııasy) – bilim alýshylardyń akademııalyq kezeńdegi oqý pánderiniń bir bóliginiń nemese barlyq kóleminiń mazmunyn meńgerý dárejesin aıqyndaý maqsatynda ótkiziletin rásim;
2) áskerı oqý oryndary – QR QM vedomstvolyq baǵynysty bilim berý uıymdary;
3) bilim alýshynyń jeke reıtıngisi – bilim alýshylardyń aralyq attestattaý nátıjeleri boıynsha qurylatyn akademııalyq kezeńdegi pánderdi meńgerý deńgeıiniń sandyq kórsetkishi;
4) emtıhan (qorytyndy baqylaý) – aralyq attestattaý kezeńinde oqý pánin nemese onyń bir bóligin oqytý aıaqtalǵanda júrgiziletin bilim alýshylardyń oqýdaǵy jetistikterin baqylaý nysany;
5) jumystyq oqý baǵdarlamasy – pánniń sıpattamasyn, zerdeleý maqsaty men mindetterin, taqyryptar men olardyń qysqasha mazmunyn, ózdik jumysy tapsyrmalaryn, baǵalaý ólshemsharttaryn, negizgi jáne qosymsha ádebıet tizimin qamtıtyn pánniń oqý baǵdarlamasy;
6) jumystyq oqý jospary – úlgilik oqý jospary negizinde ázirlenetin jáne mindetti jáne JOO quramdastary oqý pánderiniń tizbesi, kredıtterde olardyń eńbek qajettiligi, zerdeleý júıeliligi, baqylaý nysandary aıqyndaıtyn bilim berý uıymynyń basshysy bekitetin jumys jospary;
7) QR QM Bilim jáne ǵylym departamenti (budan ári – BǴD) – áskerı bilim berý máselelerine jetekshilik etetin QR QM qurylymdyq bólimshesi;
8) QR QM joǵary áskerı oqý oryndary (budan ári – JÁOO) – joǵary jáne joǵary oqý ornynan keıingi bilim berý baǵdarlamalaryn iske asyratyn QR QM vedomstvolyq baǵynysty bilim berý uıymdary;
9) Qazaqstan Respýblıkasy Qorǵanys mınıstrliginiń Sh.Ýálıhanov atyndaǵy Kadet korpýsy (budan ári – Kadet korpýsy) – tehnıkalyq jáne kásiptik bilimniń bilim berý baǵdarlamalaryn iske asyratyn QR QM vedomstvolyq baǵynysty bilim berý uıymy;
10) qorǵaý – bilim alýshylardyń zerthanalyq jumystaryn, esepteý-grafıkalyq tapsyrmalaryn, kýrstyq jumystaryn (jobalaryn), dıplomdyq jumystaryn (jobalaryn), magıstrlik dıssertasııalaryn (jobalaryn), doktorlyq dıssertasııalaryn, barlyq praktıkalar men taǵylymdamalar túrlerin oryndaýyn baqylaý nysany;
11) qorytyndy attestattaý – bilim alýshylardyń tıisti mamandyqtyń bilim berý baǵdarlamasyn meńgerý dárejesin aıqyndaý maqsatynda júrgiziletin rásim;
12) mejelik baqylaý – bir oqý pániniń bólimin (modýlin) aıaqtaǵanda bilim alýshylardyń oqýdaǵy jetistikterin baqylaý;
13) oqý úlgeriminiń ortasha baly – bilim alýshynyń aralyq attestattaý kezeńindegi shamamen ortasha baǵasy;
14) oqýdaǵy jetistikterdi baldyq-reıtıngilik baǵalaý júıesi – bilim alýshylardyń reıtıngisin belgileýge múmkindik beretin halyqaralyq praktıkada qabyldanǵan áriptik júıege sáıkes keletin bilim deńgeıin balmen baǵalaý júıesi;
15) prerekvızıtter – oqylatyn pándi meńgerý úshin qajetti pánderdiń tizbesi;
16) tapsyrys berýshi – onyń múddesinde maman daıarlaý júzege asyrylatyn QR QM, Bas shtaby jáne Qazaqstan Respýblıkasy Qarýly Kúshteriniń (budan ári – QR QK) qurylymdyq bólimshesi;
17) transkrıpt – kredıtter men bilimdi baǵalaýdy kórsete otyryp, bilim alýshylardyń tıisti oqý kezeńinde ótken pánder tizbesin qamtıtyn qujat;
18) úlgilik oqý jospary – JOO-larda iske asyrylatyn bilim berý baǵdarlamalary boıynsha mamandyqtar men biliktilikter tizbesi jáne Qazaqstan Respýblıkasy Úkimetiniń 2012 jylǵy 23 tamyzdaǵy № 1080 qaýlysymen bekitilgen Bilim berýdiń tıisti deńgeıleriniń memlekettik jalpyǵa mindetti bilim berý standarttary negizinde ázirlenetin oqý jospary, onda mindetti quramdastyń oqý pánderiniń, JOO quramdasynyń eń az kólemi jáne onyń eńbek qajettiliginiń tizbesi aıqyndalady;
19) úlgerimdi aǵymdaǵy baqylaý – oqytýshylar ótkizetin sabaqtarda bilim alýshylardyń bilimderin júıeli túrde tekserý.
2. Qazaqstan Respýblıkasynyń Qorǵanys mınıstrligine vedomstvolyq baǵynysty áskerı
oqý oryndarynda bilim alýshylardyń úlgerimine aǵymdaǵy baqylaý júrgizý tártibi
3. Úlgerimdi aǵymdaǵy baqylaý olardyń teorııalyq jáne praktıkalyq daıarlyq deńgeıin aıqyndaý maqsatynda oqý pániniń árbir taqyryby boıynsha júrgiziledi jáne sıllabýspen aıqyndalatyn ártúrli baqylaý nysandarymen júzege asyrylady.
4. Úlgerimdi aǵymdaǵy baqylaý bilim alýshylardyń oqýdaǵy etistikterin baǵalaýdyń baldyq-reıtıngilik júıesi boıynsha baǵalanady, ony dástúrli baǵalar mejesine aýystyrý osy Qaǵıdalarǵa 1-qosymshaǵa sáıkes nysanda júrgiziledi.
5. Aǵymdaǵy baqyldaýdyń bir túri mejelik baqylaý bolyp tabylady, ol bir akademııalyq kezeń ishinde bir pán sheńberinde 2 ret júrgiziledi jáne sıllabýspen aıqyndalatyn ártúrli baqylaý nysandarymen júzege asyrylady.
6. Aǵymdaǵy jáne mejelik baqylaý baǵalary osy Qaǵıdalarǵa 2-qosymshaǵa sáıkes nysan boıynsha oqytý sabaqtaryn esepke alý jýrnalynda kórsetiledi.
7. Pándi júrgizetin oqytýshy úlgerimge aǵymdaǵy baqylaýdy, mejelik baqylaýdy júrgizedi jáne bilim alýshylardyń aǵymdaǵy úlgerimi baǵasyn (budan ári – AÚB) shyǵarady.
8. AÚB kezekti mejelik baqylaýǵa deıingi aǵymdaǵy baqylaý baǵalarynan (budan ári – ABB) jáne kezekti mejelik baqylaý baǵalarynan (budan ári – KMB) quralady.
ABB+KMB = AÚB
9. Mejelik baqylaý úshin oqý bólimi (oqý-ádistemelik basqarma) (budan ári – oqý bólimi) osy Qaǵıdalarǵa 3-qosymshaǵa sáıkes nysan boıynsha aǵymdaǵy úlgerim vedomosyn resimdeıdi. Aǵymdaǵy úlgerim baǵasyn qoıý sıllabýspen aıqyndalady, bul rette aǵymdaǵy úlgerimdi baǵalaýdaǵy aǵymdaǵy baqylaý baǵalary men mejelik baqylaý baǵalarynyń araqatynasy 60 %-da 40 % bolýǵa tıis.
10. AÚB negizinde oqý bólimi jiberý reıtıngisiniń baǵasyn (budan ári – JRB) shyǵarady. Aǵymdaǵy úlgerim baǵasyna bólingen baldar 50 % -da 50 % araqatynasta bólinedi.
AÚB1+ AÚB2 = JRB
bunda: AÚB – 1-shi mejelik baqylaý boıynsha pánniń baǵasy;
AÚB – 2-shi mejelik baqylaý boıynsha pánniń baǵasy;
11. JRB jáne emtıhan baǵalary (budan ári – EB) negizinde pánge baǵa (PB) qoıylady, ol eń kóp degende 100 baldy quraıdy, onyń ishinde jiberý reıtıngisin baǵalaýǵa keminde 60 ball, al emtıhandy baǵalaýǵa 40 baldan astam emes bólinedi.
JRB+EB = PB
12. Pánge 50 baldan tómen jınaǵan bilim alýshyǵa «qanaǵattanarlyqsyz» degen baǵa qoıylady.
50ball≤PB≤100ball
13. Emtıhanǵa jiberý úshin reıtıngi baǵasynyń ortasha jıyntyq baly 30 baldy quraıdy.
30ball≤JRB≤60 ball
14. Emtıhannan 20 baldan tómen baǵa alǵan bilim alýshyǵa pánniń baǵasy eseptelmeıdi jáne oǵan osy Qaǵıdalardyń 36-tarmaǵyna sáıkes emtıhandy qaıta tapsyrýǵa múmkindik beriledi.
20 < EB ≤ 40
15. Bilim alýshylar jattyǵýlardy (oq atýlardy, jaýyngerlik mashınalardy júrgizýdi) is júzinde oryndaǵany úshin qoldanystaǵy kýrstardyń (oq atý, jaýyngerlik mashınalardy júrgizý) talaptaryna sáıkes baǵalanady. Bul rette dástúrli baǵany oqýdaǵy jetistikterdi baǵalaýdyń baldyq-reıtıngilik júıesine aýystyrý osy Qaǵıdalarǵa 4-qosymshaǵa sáıkes júrgiziledi.
3. Qazaqstan Respýblıkasynyń Qorǵanys mınıstrligine vedomstvolyq baǵynysty
áskerı oqý oryndarynda bilim alýshylardy aralyq attestattaýdy júrgizý tártibi
16. Emtıhan sessııasy jumystyq oqý josparyna jáne akademııalyq kúntizbege sáıkes júrgiziledi. Emtıhan sessııasy qysqy jáne jazǵy bolyp bólinedi. Semestrdegi oqý pánin oqytý aıaqtalǵanda emtıhan ótkizýge ruqsat beriledi.
17. Árbir oqý páni jáne keıbir qosymsha oqytý túrleri úshin baqylaý nysany emtıhan bolyp tabylady. Zerthanalyq, esepteý-grafıkalyq tapsyrmalar, kýrstyq jumystar (jobalar), kásiptik praktıkalar men taǵylymdamalardyń barlyq túrleri úshin – qorǵaý.
18. Emtıhan sessııasyn uıymdastyrý oqý bólimine júkteledi.
19. Emtıhandar ádistemelik keńestiń sheshimi boıynsha jazbasha, aýyzsha, test, praktıkalyq nemese aralas nysanda ótkiziledi. Aýyzsha nysanda bir kúnde eki nemese odan artyq emtıhan tapsyrýǵa jol berilmeıdi. Test nysanynda bir kúnde eki nemese úsh pán boıynsha emtıhan belgileýge jol beriledi.
20. Oqý bólimi ótkizý nysanyn eskere otyryp, emtıhandar kestesin fakýltetpen birlesip jasaıdy, ony áskerı oqý orny bastyǵynyń oqý jumysy jónindegi orynbasary bekitedi jáne bilim alýshylar men oqytýshylarǵa ES bastalǵanǵa deıin keshiktirmeı eki apta buryn jetkiziledi.
21. Emtıhandy osy pánnen sabaq beretin oqytýshy – emtıhan qabyldaýshy qabyldaıdy.
22. Zerthanalyq jumystardy, esepteý-grafıkalyq tapsyrmalardy, kýrstyq jumystardy (jobalardy) qorǵaýdy emtıhan qabyldaýshy ótkizedi.
23. Emtıhan sessııasyn dáleldi sebeptermen (naýqastaný, issaparda, demalysta bolý, qyzmettik qajettilik jáne t.b.) tapsyrý múmkin bolmaǵanda áskerı oqý ornynyń bastyǵy jeke keste boıynsha tapsyrýǵa ruqsat etedi.
24. Emtıhanǵa kelgen kezde bilim alýshynyń ózimen birge synaq kitapshasy bolýǵa tıis. Synaq kitapshasyna bilim alýshynyń emtıhandar men qorǵaý kezinde alǵan barlyq baǵalary engiziledi. Synaq kitapshasyndaǵy jazbalar kók tústi sharıkti qalammen jazylady.
25. Aýyzsha nemese jazbasha nysandy emtıhan ótkizý úshin emıhan qabyldaýshy osy Qaǵıdalarǵa 5-qosymshaǵa sáıkes emtıhan bıletterin ázirleıdi.
Emtıhan bıletteri kafedra (sıkl) otyrysynda talqylanady, oǵan emtıhan qabyldaýshy qol qoıady jáne kafedra (sıkl) bastyǵy bekitedi. Emtıhan bıletterinde negizgi suraqtar, negizgi uǵymdar men oqý pániniń zańdylyqtary kórsetiledi. Árbir emtıhan bıleti úsh suraqtan turady, onyń bireýi praktıkalyq bolýy múmkin. Emtıhan suraqtary qaıtalanbaıdy. Emtıhan bıletteriniń sany topta bilim alýshylardyń sanynan 20 %-dan astam bolady.
26. Emtıhandy test nysanynda ótkizý úshin test suraqtarynan baza jasalady. Árbir suraqtyń 4 nusqada jaýaby bolady, sonyń bireýi ǵana durys bolady. Baza oqý pániniń árbir kredıtine keminde 100 testilik suraqtan turady. Árbir durys jaýap 1 balǵa baǵalanady. Eki nemese odan astam jaýap nusqasy bolǵan jaǵdaıda ball sanalmaıdy. Emtıhan baǵasyn sanaý úshin testilik emtıhannan alǵan baldar sany (BS) 0,4 koeffısıentine kóbeıtiledi. Testileýge 150 mınýt bólinedi.
EB= BS*0,4
27. Aýyzsha emtıhan ýaqytynda bilim alýshylar sıllabýsqa sáıkes áskerı tehnıkany nemese maket túrindegi olardyń shartty beınesin, modelderdi, trenajerlardy, qondyrǵylardy, stendilerdi, derbes kompıýterlerdi jáne basqa da apparatýrany, sondaı-aq anyqtamalyq ádebıet pen oqý quraldaryn jáne t.b. qoldana alady.
Emtıhanda ruqsat etilmegen qosalqy materıaldardy paıdalanǵan bilim alýshylar kabınetten shyǵaryp jiberiledi jáne oǵan «qanaǵattanarlyqsyz» degen baǵa qoıylady.
28. Oqý bólimi emtıhanǵa emtıhan qabyldaýshyǵa osy Qaǵıdalarǵa 6-qosymshaǵa sáıkes nysan boıynsha pánge arnalǵan tirkelgen baǵalaý vedomosyn beredi.
29. Pánge arnalǵan baǵalaý vedomosy oqý tobyna nemese bilim alýshylar vzvodyna bir danada jasalady jáne oǵan oqý bóliminiń bastyǵy qol qoıady.
30. Emtıhan baǵasyn qoıý ólshemsharty sıllabýspen aıqyndalady.
31. Emtıhan qabyldaýshy árbir bilim alýshynyń pán boıynsha baǵasyn esepteıdi, ony oqý bólimi transkrıptke engizedi. Eger oqý páni boıynsha birneshe emtıhan ótkizilse, onda emtıhan sessııalary kezeńinde pánge alynǵan barlyq baǵalardyń dóńgelektengen ortasha máni transkrıptke engiziledi.
32. JÁOO-da emtıhan sessııasy aıaqtalǵannan keıin oqý úlgeriminiń ortasha baly negizinde bilim alýshylardyń jeke reıtıngisi aıqyndalady.
JÁOO-da oqý úlgeriminiń ortasha baly emtıhan sessııasynyń pánderi boıynsha kredıtterdiń jalpy sanyna pánder boıynsha baǵalardyń (budan ári – PB) kredıtterdi (budan ári – K) shyǵarý somasy men baldardyń sandyq balamasy retinde aıqyndalady.
ÚOB=(K1*PB1+K2*PB2+ Ki*PBj ) / ∑Ki
Munda:
K1 – 1 pán boıynsha kredıtter sany; PB1 – 1 pánniń baǵasy;
Ki – i pán boıynsha kredıtter sany; PBj - j pánniń baǵasy;
Kadet korpýsynda oqý úlgeriminiń ortasha baly (budan ári – ÚOB) emtıhan sessııasy boıynsha pánderdiń jalpy sanyna pán boıynsha baǵalardyń (budan ári – PB) ortasha jıyntyq máni retinde aıqyndalady.
ÚOB = (PB1+PB2+ PBj) /PS
Munda:
PB1– 1 pán boıynsha baǵa; PBj – jpán boıynsha baǵa; PS – emtıhan sessııasy boıynsha pánder sany;
33. Emtıhan nátıjeleri bilim alýshylarǵa emtıhan aıaqtalǵannan keıin, al jazbasha nysanda tapsyrǵan kezde kelesi kúni 18.00-ge deıin jetkiziledi.
34. Oń baǵany joǵarylatý maqsatynda emtıhandy qaıta tapsyrýǵa ruqsat etilmeıdi.
35. Emtıhan men mejelik baqylaýdy qaıta tapsyrý emtıhan sessııasy aıaqtalǵannan keıin júzege asyrylady. Bilim alýshy emtıhan qabyldaýshy aıqyndaıtyn mejelik baqylaýdy qaıta tapsyrady. Jiberý reıtıngisiniń baǵasy 30 jáne joǵary ball bolǵan kezde oqý bólimi qaıta tapsyrýdyń jeke kestesin ázirleıdi.
36. Emtıhandy qaıta tapsyrý kanıkýldyq demalys kezeńinde 2 retten artyq emes júzege asyrylady. Bul rette ekinshi ret qaıta tapsyrýdy áskerı oqý ornynyń bastyǵy tıisti beıindegi sáıkes oqytýshylar qatarynan qurǵan quramy keminde 3 adamnan turatyn komıssııa júzege asyrady.
37. Magıstranttarǵa (doktoranttar) kanıkýldyq demalys kezeńinde tek bir ret emtıhandy qaıta tapsyrýǵa áskerı oqý ornynyń bastyǵy tıisti beıindegi oqytýshylar qatarynan qurǵan quramy keminde 3 adamnan turatyn komıssııa jol beredi.
38. Emtıhan nátıjelerimen kelispegen bilim alýshylar emtıhan sesııasy kezeńinde apellıasııaǵa beredi.
39. Emtıhan sessııasy kezeńinde áskerı oqý orny bastyǵynyń buıryǵymen ár pán boıynsha tıisti beıindegi oqytýshylar qatarynan apellıasııalyq komıssııa qurylady.
40. Apellıasııa nátıjeleri osy Qaǵıdalarǵa 7-qosymshaǵa sáıkes nysan boıynsha pán úshin baǵa vedomosyna tirkeletin hattamamen resimdeledi. Hattama negizinde oqý bólimi pán úshin qorytyndy baǵalar vedomosyna ózgerister engizedi.
41. Jańa akademııalyq kezeń basynda oqý bereshegi bar bilim alýshy oqýdan shyǵarylýǵa tıis.
42. Emtıhandar nátıjelerin taldaý jáne oqý prosesin jaqsartý jónindegi usynystar emtıhan sessııasy aıaqtalǵannan keıin JÁOO fakýlteti kafedrasynyń (sıkliniń) jáne oqý-ádistemelik keńesiniń, Kadet korpýsy pedagogıkalyq keńesiniń otyrysyna talqylaýǵa shyǵarylady.
43. Aralyq attestattaý qorytyndylary boıynsha eki apta merzimde áskerı oqý orny Qazaqstan Respýblıkasynyń Tuńǵysh Prezıdenti – Elbasy atyndaǵy ulttyq qorǵanys ýnıversıtetine (budan ári – Ulttyq qorǵanys ýnıversıteti) elektrondyq jáne qaǵaz tasymaldaǵyshtarda osy Qaǵıdalarǵa 8-qosymshaǵa sáıkes nysan boıynsha sessııa nátıjelerin taldaýdy usynady. Ulttyq qorǵanys ýnıversıteti barlyq áskerı oqý oryndarynyń emtıhan sessııalary nátıjelerine jalpy taldaý jasaıdy jáne ony BǴD-ǵa usynady.
44. Doktoranttardan keshendi emtıhan qabyldaý úshin Ulttyq qorǵanys ýnıversıteti bastyǵynyń buıryǵymen komıssııa tóraǵasy men quramynda tórt múshesi bolatyn emtıhan komıssııasy qurylady. Komıssııa quramyna onyń músheleri quqyǵynda joǵary oqý ornynan keıingi bilimi nemese ǵylymı ataǵy bar tıisti beıindegi adamdar kiredi.
Keshendi emtıhan doktorlyq dıssertasııany qorǵaǵanǵa deıin 2 aıdan keshiktirilmeı qabyldanady.
4. «Qazirgi zamanǵy Qazaqstan tarıhy» páni boıynsha memlekettik emtıhan ótkizý tártibi
45. «Qazirgi zamanǵy Qazaqstan tarıhy» páni boıynsha memlekettik emtıhan akademııalyq kúntizbege sáıkes emtıhan sessııasy kezeńinde sol akademııalyq kezeńde ótkiziledi.
46. Memlekettik emtıhan komıssııasynyń tóraǵasy Qazaqstan Respýblıkasy Qorǵanys mınıstriniń buıryǵymen JÁOO bastyǵynyń orynbasarlary qatarynan aǵymdaǵy oqý jylynyń 1 qarashasynan keshiktirilmeı taǵaıyndalady.
47. «Qazirgi zamanǵy Qazaqstan tarıhy» páni boıynsha memlekettik emtıhandy qabyldaý úshin JÁOO kúntizbelik bir jyl merzimge aǵymdaǵy oqý jylynyń 1 jeltoqsanynan keshiktirilmeı Memlekettik emtıhan komıssııasyn qurady.
48. «Qazirgi zamanǵy Qazaqstan tarıhy» páni boıynsha memlekettik emtıhan kestesin oqý bólimi jasaıdy jáne ony memlekettik emtıhan bastalǵanǵa deıin eki aptadan keshiktirilmeı JÁOO bastyǵy bekitedi.
49. Memlekettik emtıhan komıssııasy otyrysynyń uzaqtyǵy kúnine 6 akademııalyq saǵattan aspaýǵa tıis.
50. Memlekettik emtıhan komıssııasynyń otyrystary osy Qaǵıdalarǵa 9-qosymshaǵa sáıkes nysan boıynsha árbir kýrsantqa hattamamen resimdeledi.
51. Memlekettik emtıhan komıssııasynyń otyrysy hattamalarynyń blankileri jeke iske tigiledi, nómirlenedi jáne QQT PME bastalǵanǵa deıin mórmen bekitiledi.
52. «Qazirgi zamanǵy Qazaqstan tarıhy» páni boıynsha memlekettik emtıhandy dáleldi sebeptermen tapsyrmaǵan kýrsanttarǵa memlekettik emtıhan komıssııasy tóraǵasynyń sheshimimen jeke grafık jasalady.
53. «Qazirgi zamanǵy Qazaqstan tarıhy» páni boıynsha memlekettik emtıhanǵa jiberý úshin kýrsant jiberý reıtıngisi baǵasynyń keminde 50 balyn jınaıdy. «Qazirgi zamanǵy Qazaqstan tarıhy» páni úshin baǵa 100 baldyq meje boıynsha baǵalanady.
54. «Qazirgi zamanǵy Qazaqstan tarıhy» páni boıynsha memlekettik emtıhandy qaıta tapsyrýǵa jol berilmeıdi. Eger kýrsant «Qazirgi zamanǵy Qazaqstan tarıhy» páni boıynsha memlekettik emtıhan úshin 50 baldan tómen ball alsa, ol oqýdan shyǵarylýǵa tıis.
55. «Qazirgi zamanǵy Qazaqstan tarıhy» páni boıynsha memlekettik emtıhandy tapsyrý nátıjeleri ony tapsyrý kózdelgen emtıhan sessııasynyń qorytyndylaryn shyǵarý kezinde eskeriledi.
56. Memlekettik emtıhan komıssııasynyń jumysy aıaqtalǵannan keıin komıssııa tóraǵasy esep berýdi jasaıdy, ol JÁOO (fakýltet) oqý-ádistemelik keńesiniń otyrysynda talqylanady jáne bekitiledi jáne Ulttyq qorǵanys ýnıversıtetine eki apta merzimde usynylady.
Ulttyq qorǵanys ýnıversıteti barlyq JÁOO-lardyń esep berýlerin qorytyndylaıdy, taldaý júrgizedi jáne olardy Bilim jáne ǵylym departamentine usynady.
5. Qazaqstan Respýblıkasynyń Qorǵanys mınıstrligine vedomstvolyq baǵynysty
áskerı oqý oryndarynda bilim alýshylarǵa qorytyndy attestattaý júrgizý tártibi
§ 1 paragraf. Kadetterge qorytyndy attestattaý júrgizý tártibi
57. Kadetterge qorytyndy attestattaýdy uıymdastyrý jáne júrgizý úshin Kadet korpýsy bastyǵynyń buıryǵymen kúntizbelik bir jyl merzimge attestattaý komıssııalary qurylady. Attestattaý komıssııasy keminde bes adamnan turady.
58. Aǵymdaǵy jylǵy 1 mamyrǵa deıin BǴD-nyń usynysy boıynsha Qazaqstan Respýblıkasy Qorǵanys mınıstriniń buıryǵymen bekitiletin áskerı bólimder men mekemelerdiń ókilderi attestattaý komıssııasynyń tóraǵasy jáne onyń bir múshesi bolyp tabylady.
59. Attestattaý komıssııasy otyrystarynyń uzaqtyǵy kúnine 6 saǵattan aspaýǵa tıis.
60. Kadetterdi qorytyndy attestattaý jumystyq oqý josparynda jáne akademııalyq kúntizbede kózdelgen merzimderde ótkiziledi. Attestattaý komıssııasy tóraǵasynyń sheshimimen kadetterge qorytyndy attestattaýdy jeke grafık boıynsha tapsyrýǵa jol beriledi.
61. Oqý bólimi attestattaý komıssııasyna mynadaı qujattardy:
kadetterdi qorytyndy attestattaýǵa jiberý týraly Kadet korpýsy bastyǵynyń buıryǵynan úzindi kóshirmeni;
jumystyq oqý josparynyń pánderi boıynsha pánniń baǵasyn;
kásiptik praktıka men taǵylymdama úshin baǵalardy;
oqý baǵdarlamasyna sáıkes qorytyndy emtıhandarǵa shyǵarylatyn suraqtar tizbesin;
Kadet korpýsynyń bastyǵy bekitken jáne tıisti sıkldiń bastyǵy qol qoıǵan emtıhan bıletteriniń jıyntyǵyn usynady.
62. Kadetterdi qorytyndy attestattaý 100 baldyq meje boıynsha baǵalanatyn arnaıy pánder boıynsha qorytyndy emtıhandar tapsyrý nysanynda ótkiziledi.
63. Qorytyndy emtıhandar tıisti sıkl ázirlegen, pedagogıkalyq keńeste qaralǵan, tapsyrys berýshimen kelisilgen jáne Kadet korpýsynyń bastyǵy bekitken baǵdarlamalar boıynsha ótkiziledi.
64. Qorytyndy emtıhan ótkizý nysany men pánder tizbesin pedagogıkalyq keńes aıqyndaıdy.
65. Daıyndyqqa jáne jaýap berýge arnalǵan ýaqyt qorytyndy emtıhan baǵdarlamasymen aıqyndalady.
66. Qorytyndy emtıhan boıynsha 50 baldan tómen alǵan kadetter attestattaý komıssııasy tóraǵasynyń sheshimimen bir ret jeke grafık boıynsha qaıta tapsyrýǵa jiberiledi.
67. Qorytyndy emtıhandy qaıta tapsyrǵan kezde 50 baldan tómen alǵan kadetke «Bilim berý qyzmetinde bilim berý uıymdary paıdalanatyn qatań eseptegi qujattardyń nysandaryn bekitý týraly» Qazaqstan Respýblıkasy Bilim jáne ǵylym mınıstrliginiń 2007 jylǵy 23 qazandaǵy № 502 buıryǵymen (Normatıvtik quqyqtyq aktilerdi memlekettik tirkeý tiziliminde № 4991 bolyp tirkelgen) bekitilgen nysan boıynsha oqytýdyń tolyq kýrsyn bitirgeni týraly anyqtama beriledi.
68. Attestattaý komıssııasynyń otyrysy attestattaý komıssııasynyń músheleri qol qoıatyn tıisti hattamamen resimdeledi.
69. Jumystyq oqý josparynyń barlyq pánderiniń keminde 75 %-y boıynsha emtıhandardy «A», «A-» degen baǵalarmen, al qalǵan pánder boıynsha – «V+», «V», «V-» degen baǵalarmen tapsyrǵan jáne barlyq oqý kezeńi ishinde emtıhandardy qaıta tapsyrmaǵan kadetterge attestattaý komıssııasynyń sheshimimen úzdik dıplom beriledi.
70. Jumystyq oqý josparynyń barlyq pánderiniń keminde 90 %-y boıynsha emtıhandardy – «A», «A-» degen baǵalarmen, al qalǵan pánder boıynsha «V+», «V», «V-» degen baǵalarmen tapsyrǵan jáne barlyq oqý kezeńi ishinde emtıhandardy qaıta tapsyrmaǵan kadetterge attestattaý komıssııasynyń sheshimimen úzdik dıplom beriledi, Kadet korpýsynyń Qurmet taqtasyna fotosýretin ilýmen «Áskerı oqý ornyn úzdik bitirgeni úshin» tósbelgisi beriledi. «Áskerı oqý ornyn úzdik bitirgeni úshin» tósbelgisimen Kadet korpýsyn bitirgen kadetter qyzmet ornyn tańdaýda basym quqyqty paıdalanady.
71. Qorytyndy emtıhandar nátıjeleri negizinde attestattaý komıssııasy tıisti biliktilikti berý jáne memlekettik úlgidegi dıplomdy berý nemese odan bas tartý týraly sheshim qabyldaıdy.
72. Qorytyndy attestattaý aıaqtalǵannan keıin attestattaý komıssııasynyń tóraǵasy eki apta merzimde esep berýdi jasaıdy, onda:
kadetterdiń daıarlyq deńgeıi men bilim sıpattamasy;
oqý pánderiniń jekelegen máseleleri boıynsha kadetterdi daıarlaýdaǵy kemshilikter;
kásipqoı-serjanttardy daıarlaýdy odan ári jetildirý jónindegi usynymdar kórsetiledi.
73. Jumys aıaqtalǵannan keıin attestattaý komıssııasynyń tóraǵasy osy Qaǵıdalarǵa 10-qosymshaǵa sáıkes nysan boıynsha esep berýdi jasaıdy, ol Kadet korpýsy pedagogıkalyq keńesiniń otyrysynda talqylanady jáne eki apta merzimde Ulttyq qorǵanys ýnıversıtetine usynylady.
Ulttyq qorǵanys ýnıversıteti esep berýge taldaý júrgizedi jáne ony eki apta merzimde BǴD-ǵa usynady.
§ 2 paragraf. Kýrsanttarǵa qorytyndy attestattaý júrgizý tártibi
74. Kýrsanttarǵa árbir biliktilik boıynsha qorytyndy attestattaý júrgizý úshin aǵymdaǵy jylǵy birinshi maýsymǵa deıin JÁOO bastyǵynyń buıryǵymen kúntizbelik bir jyl merzimge keminde bes adamnan turatyn memlekettik attestattaý komıssııasy (budan ári – MAK) qurylady.
75. Árbir MAK-tyń tóraǵalary jáne bir múshesi aǵymdaǵy jylǵy 1 mamyrǵa deıin BǴD-nyń usynysy boıynsha Qazaqstan Respýblıkasy Qorǵanys mınıstriniń buıryǵymen bekitiletin áskerı bólimder men mekemelerdiń ókilderi bolyp tabylady. Bir adamdy birneshe MAK quramynda taǵaıyndaýǵa jol beriledi.
76. Kýrsanttardy qorytyndy attestattaý jumystyq oqý josparynda belgilengen nysandar boıynsha júrgiziledi. Qorytyndy attestattaýdyń uzaqtyǵy men merzimderi akademııalyq kúntizbemen aıqyndalady. Qorytyndy attestattaýdy MAK tóraǵasynyń sheshimi negizinde jeke grafık boıynsha júrgizýge jol beriledi.
77. Kýrsanttar jumystyq oqý josparyna sáıkes 100 baldyq meje boıynsha baǵalanatyn keshendi memlekettik emtıhandardy tapsyrady jáne dıplomdyq jumysty (jobany) qorǵaıdy.
78. JÁOO oqý-ádistemelik keńesiniń sheshimi boıynsha dıplomdyq jumysty (jobany) qorǵaý ornyna bazalyq jáne/nemese beıindik pánder boıynsha eki memlekettik emtıhandy tapsyrýǵa jol beriledi.
79. Keshendi memlekettik emtıhan pánderiniń tizbesi tapsyrys berýshimen kelisý boıynsha fakýltet oqý-ádistemelik keńesiniń sheshimimen bekitiledi.
80. Teorııalyq oqytýdyń, kásiptik praktıkanyń jáne áskerı taǵylymdamanyń tolyq kýrsynan ótken kýrsanttar ol bastalǵanǵa deıin eki aptadan keshiktirilmeı JÁOO bastyǵynyń buıryǵymen qorytyndy attestattaýǵa jiberiledi.
81. Oqý bólimi MAK-qa mynadaı qujattardy:
kýrsanttardy qorytyndy attestattaýǵa jiberý týraly JÁOO bastyǵynyń buıryǵynan úzindi kóshirmeni;
jumys oqý josparynyń pánderi boıynsha pánniń baǵasyn;
kásiptik praktıka men áskerı taǵylymdama úshin baǵalardy;
keshendi memlekettik emtıhan men memlekettik emtıhanǵa shyǵarylatyn suraqtar tizbesin;
JÁOO bastyǵy bekitken jáne tıisti fakýltet bastyǵy qol qoıǵan emtıhan bıletteriniń jıyntyqtaryn;
keshendi memlekettik emtıhan men memlekettik emtıhanda paıdalaný úshin kórneki quraldar men anyqtamalyq sıpattaǵy materıaldar tizbesin usynady.
82. MAK-tyń quzyretine:
1) bitirýshilerdiń teorııalyq jáne praktıkalyq daıarlyǵynyń biliktilik talaptaryna sáıkes kelýi deńgeıin tekserý;
2) tıisti mamandyq boıynsha «bakalavr» dárejesin berý, biliktilikti berý jáne joǵary bilim týraly memlekettik úlgidegi dıplomdy berý nemese odan bas tartý týraly sheshim qabyldaý;
3) mamandardy daıarlaý sapasyn jaqsartý jóninde usynystar engizý kiredi.
83. Oqý bólimi MAK jumysynyń kestesin jasaıdy, ony JÁOO bastyǵy bekitedi jáne ol MAK jumysy bastalǵanǵa deıin eki aptadan keshiktirilmeı jalpy málimetke jetkiziledi.
84. MAK otyrysynyń uzaqtyǵy kúnine 6 akademııalyq saǵattan aspaýǵa tıis. Bul rette memlekettik emtıhan tapsyrýǵa kúnine 15-ten aspaıtyn, al dıplomdyq jumysty qorǵaýǵa – 10-nan aspaıtyn adam jiberiledi.
85. Dıplomdyq jumysty (jobany) qorǵaýǵa jiberý jáne ony qorǵaý osy Qaǵıdalarǵa sáıkes júrgiziledi.
86. Dıplomdyq jumysty (jobany) plagıat mánine tekserý tártibin JÁOO derbes aıqyndaıdy.
87. Árbir kýrsantqa dıplomdyq jumystyń (jobanyń) jetekshisi bekitilip beriledi jáne taqyrypty kórsete otyryp, JÁOO bastyǵynyń buıryǵymen bekitiledi.
88. Dıplomdyq jumystardyń taqyryby aǵymdaǵy oqý jyly bastalǵannan keıin bir aı ishinde fakýltettiń oqý-ádistemelik keńesinde qaralady, tapsyrys berýshimen kelisiledi, ony JÁOO bastyǵy bekitedi jáne Bilim jáne ǵylym departamentine joldanady.
89. Dıplomdyq jumysty (jobany) resenzııalaýdy tapsyrys berýshi tarapynan áskerı bólimder men uıymdardyń nemese biliktiligi qorǵalatyn dıplomdyq jumystyń (jobanyń) taqyrybyna sáıkes keletin ókilderi júzege asyrady. Dıplomdyq jumystardyń (jobalardyń) resenzentterin Bilim jáne ǵylym departamentiniń bastyǵy bekitedi.
90. Mamandyq boıynsha keshendi memlekettik emtıhan eki jáne odan astam sıllabýs negizinde JÁOO ázirlegen baǵdarlama boıynsha ótkiziledi.
Mamandyq boıynsha keshendi memlekettik emtıhannyń jáne beıindik jáne/nemese bazalyq pánder boıynsha memlekettik emtıhannyń baǵdarlamalary aǵymdaǵy jylǵy birinshi jeltoqsanǵa deıin fakýltettiń oqý-ádistemelik keńesinde qaralady, ol tapsyrys berýshimen kelisiledi jáne JÁOO bastyǵy bekitedi.
91. Keshendi memlekettik emtıhanǵa jáne memlekettik emtıhanǵa shyǵarylatyn suraqtar tizbeleri fakýltettiń oqý-ádistemelik keńesinde qaralady, ony JÁOO bastyǵy bekitedi jáne aǵymdaǵy jylǵy birinshi qańtarǵa deıin kýrsanttarǵa jetkiziledi.
92. Keshendi memlekettik emtıhannyń jáne memlekettik emtıhannyń emtıhan bıletteri tıisti suraqtar tizbesi negizinde jasalady, bul rette emtıhan bıletteri jıyntyqtarynyń sany oqý toptarynyń sanyna sáıkes kelýge tıis. Árbir emtıhan bıleti 3-5 suraqtan turady, onyń 1-2-eýi praktıkalyq suraqtar. Emtıhan bıletiniń bir jıyntyǵyndaǵy suraqtar qaıtalanbaıdy. Bir jıyntyǵyndaǵy emtıhan bıletteriniń sany toptaǵy bilim alýshylar sanynan 20 %-ǵa artyq bolady.
Emtıhan bıletteriniń mazmuny kýrsanttarǵa aldyn ala jetkizilmeıdi, olardy qaıta paıdalanýǵa jol berilmeıdi.
93. MAK otyrystary ár kýrsantqa osy Qaǵıdalarǵa 11-13-qosymshalarǵa sáıkes nysan boıynsha hattamamen resimdeledi.
94. Sheshim qabyldaý úshin kvorým tóraǵany qosa alǵanda, MAK quramynyń keminde 2/3 bóligin quraıdy.
95. Keshendi memlekettik emtıhan, memlekettik emtıhan tapsyrý jáne dıplomdyq jumysty (jobany) qorǵaý nátıjeleri olardy ótkizgen kúni MAK otyrysynyń hattamalaryna qol qoıylǵannan keıin jarııalanady.
96. MAK sheshimi jabyq otyrysta ashyq daýys berýmen, qarapaıym kópshilik daýyspen qabyldanady. Daýystar sany teń bolǵan kezde MAK tóraǵasynyń daýysy sheshýshi bolyp tabylady.
Qorytyndy attestattaýdan ótken kýrsantqa MAK sheshimimen biliktilik berýmen tıisti mamandyq boıynsha «bakalavr» dárejesi jáne qosymshasy bar memlekettik úlgidegi dıplom beriledi.
97. Keshendi memlekettik emtıhandy, memlekettik emtıhandy qaıta tapsyrý jáne dıplomdyq jumysty (jobany) qaıta qorǵaý ruqsat etilmeıdi. Keshendi memlekettik emtıhanda nemese memlekettik emtıhanda nemese dıplomdyq jumysty (jobany) qorǵaýda 50 baldan az alǵan kýrsanttar oqýdan shyǵarylýǵa tıis.
98. Kýrsant dıplomynyń qosymshasy qorytyndy attestattaý nátıjelerine, pán boıynsha alǵan baǵalaryna, kýrstyq jumystary (jobalary) boıynsha, kredıtter men akademııalyq saǵattar kólemin kórsete otyryp, kásiptik praktıka men taǵylymdama túrleri boıynsha baǵalaryna sáıkes toltyrylady.
99. Barlyq emtıhandar men qorǵaýlarda «A», «A-», «V+», «V», «V-» baǵalaryn alǵan, barlyq oqý kezeńi úshin úlgeriminiń ortasha baly 3,5-ten tómen emes jáne barlyq oqý kezeńinde emtıhandardy qaıta tapsyrý bolmaǵan, sondaı-aq qorytyndy attestattaýdy «A», «A-» baǵalaryna tapsyrǵan kýrsanttarǵa MAK sheshimimen memlekettik úlgidegi úzdik dıplom beriledi.
100. Barlyq emtıhandar men qorǵaýlarda «A», «A-» baǵalaryn alǵan, barlyq oqý kezeńi úshin úlgeriminiń ortasha baly 3,7-den tómen emes jáne barlyq oqý kezeńinde emtıhandardy qaıta tapsyrý bolmaǵan, sondaı-aq qorytyndy attestattaýdy «A», «A-» baǵalaryna tapsyrǵan kýrsanttarǵa MAK sheshimimen úzdik dıplom beriledi, sýretin JÁOO-nyń Qurmet taqtasyna ilýmen «Áskerı oqý ornyn úzdik bitirgeni úshin» tósbelgisi beriledi. JÁOO-ny «Áskerı oqý ornyn úzdik bitirgeni úshin» tósbelgisimen bitirgen kýrsanttar qyzmet ornyn tańdaýda basym quqyqty paıdalanady.
101. Jumystyń aıaqtalýy boıynsha MAK tóraǵasy osy Qaǵıdalarǵa 14-qosymshaǵa sáıkes nysan boıynsha esep berýdi jasaıdy, ol JÁOO-nyń oqý-ádistemelik keńesiniń otyrysynda talqylanady jáne eki apta merzim ishinde Ulttyq qorǵanys ýnıversıtetine usynylady.
Ulttyq qorǵanys ýnıversıteti barlyq JÁOO-lardyń esep berýlerin qorytyndylaıdy, taldaý júrgizedi jáne eki apta merziminde BǴD-ǵa usynady.
102. Dıplomdyq jumys (joba) aldynala qorǵaý rásiminen ótý úshin oqýdy bitirtip shyǵaratyn kafedraǵa usynylady.
103. Dıplomdyq jumysty aldyn ala qorǵaý rásimi kýrsanttardyń jáne jetekshisiniń qatysýymen kafedranyń ashyq otyrysynda ótkiziledi.
Aldyn ala qorǵaý kafedrasy otyrysynyń hattamasymen resimdeledi.
104. Aldyn ala qorǵaýdan tabysty ótken dıplomdyq jumysqa kýrsant qol qoıady jáne jetekshisine usynady.
Jetekshi pikirdi jáne kýrsantty qorǵaýǵa jiberý týraly qorytyndyny daıyndaıdy. Jetekshi teris qorytyndy bergen kezde kýrsant qorǵaýǵa jiberilmeıdi.
105. Oqýdy bitirtip shyǵaratyn kafedra qorǵaýǵa usynǵan dıplomdyq jumys resenzııaǵa tapsyrylady.
106. Resenzent dıplomdyq jumysqa jazbasha resenzııa usynady, onda zerttelgen taqyryptyń ózektiligi, jańashyldyǵy men is júzindegi mańyzdylyǵy, dıplomdyq zertteý taqyrybynyń maman daıarlaý beıinine, beriletin akademııalyq dáreje men beriletin biliktilikke sáıkes kelýi, zertteýdi derbes júrgizgeni, qorytyndylar men usynystardyń bolýy, problemany sheshý men zertteýdiń aıaqtalý deńgeıi kórsetiledi.
Resenzııada baldyq-reıtıngilik júıe boıynsha baǵasy jáne tıisti akademııalyq dáreje men biliktilikti berý múmkindigi kórsetilgen qorytyndy beriledi.
107. Ǵylymı jetekshi qorǵaýǵa jibergen, biraq resenzent F «qanaǵattanarlyqsyz» baǵasymen baǵalaǵan dıplomdyq jumys jalpy sharttarda qorǵalady.
108. Fakýltet bastyǵy qorǵaýǵa deıin bes kún buryn keshiktirmeı oqýdy bitirtip shyǵarý kafedrasynyń bastyǵyn jáne dıplom jazǵan kýrsantty resenzııamen tanystyrady jáne pikirmen jáne resenzııasymen birge dıplomdyq jumysty qorǵaý úshin MAK-qa joldaıdy. MAK-qa sonymen qatar oryndalǵan dıplomdyq jumystyń ǵylymı jáne praktıkalyq qundylyǵyn sıpattaıtyn materıaldar, resmı emes syn-pikirler, dıplomdyq jumystyń (jobanyń) beıini boıynsha praktıkalyq qyzmetti júzege asyratyn uıymdardyń jazbasha qorytyndylary, ǵylymı zertteý nátıjelerin engizý anyqtamalary nemese aktileri, maketter, materıaldardyń, buıymdardyń úlgileri jáne t.b. usynylady.
109. Dıplomdyq jumysty qorǵaý kýrsanttyń qalaýy boıynsha qazaq nemese orys tilinde ótkiziledi. Kýrsant kafedranyń usynysy boıynsha shet tiliniń birinde dıplomdyq jumystyń qysqasha mazmunyn qosymsha usynýyna bolady, ol qorǵaýda jarııalanady.
110. Dıplomdyq jumysty qorǵaý elektrondyq resýrstardy paıdalanýmen mýltımedııalyq prezentasııa túrinde júzege asyrylady.
111. Dıplomdyq jumysty qorǵaý MAK-tyń ashyq otyrysynda ótkiziledi.
MAK jumysyna onyń músheleriniń keminde 2/3 (úshten eki) bóligi qatysqan, otyrysqa komıssııa tóraǵasy qatysqan MAK otyrysy zańdy bolyp sanalady.
112. Dıplomdyq jumysty qorǵaý kýrsanttardyń, oqýdy bitirtip shyǵarý kafedrasy oqytýshylarynyń qatysýymen jarııa túrde uıymdastyrylady. Qorǵaýǵa bazasynda dıplomdyq zertteý júrgizilgen uıymnyń basshysy, ókilderi jáne basqa da múddeli adamdar shaqyrylýy múmkin.
113. Bir dıplomdyq jumysty qorǵaý uzaqtyǵy bir kýrsantqa 30 mınýttan aspaıdy.
114. Dıplomdyq jumysty qorǵaý úshin kýrsant MAK aldynda baıandaýmen keminde 15 mınýt sóz sóıleıdi.
115. Qajet bolǵan kezde dıplomdyq jumysty talqylaýǵa suraq qoıý nemese sóz sóıleý túrinde barlyq qatysýshylar qatysady.
116. Dıplomdyq jumysty talqylaǵannan keıin komıssııa hatshysy pikir (jetekshi qatysqan jaǵdaıda ózi jeke sóz sóıleıdi) men resenzııany oqıdy. Pikirde jáne/nemese resenzııada eskertýler bolǵan kezde ony kýrsant túsindiredi.
117. Dıplomdyq jumysqa baǵa qoıý kezinde teorııalyq, ǵylymı jáne praktıkalyq daıyndyǵynyń deńgeıi, jetekshisiniń pikiri jáne resenzenttiń baǵasy nazarǵa alynady.
§ 3 paragraf. Magıstranttardy qorytyndy attetattaýdan ótkizý tártibi
118. Árbir biliktilik boıynsha magıstranttardy qorytyndy attestattaýdy ótkizý úshin aǵymdaǵy jylǵy birinshi mamyrǵa deıin Ulttyq qorǵanys ýnıversıteti bastyǵynyń buıryǵymen bir kúntizbelik jyl merzimine MAK qurylady, ol keminde joǵary oqý ornynan keıingi bilimi bar bes adamnan turady.
119. Árbir MAK-tyń tóraǵasy men bir múshesi syrtqy ókilder bolyp tabylady, olar aǵymdaǵy jylǵy 1 sáýirge deıin Bilim jáne ǵylym departamentiniń usynysy boıynsha Qazaqstan Respýblıkasy Qorǵanys mınıstriniń buıryǵymen bekitiledi. Bir adamdy birneshe MAK quramyna taǵaıyndaýǵa ruqsat etiledi.
120. Magıstranttardy qorytyndy attestattaý jumystyq oqý josparynda belgilengen nysandar boıynsha júrgiziledi. Qorytyndy attestattaý uzaqtyǵy men merzimi akademııalyq kúntizbe boıynsha aıqyndalady. Qorytyndy attestattaýdy MAK tóraǵasynyń sheshimi